Zinemaren eta Emakumeen 38. Erakusketa Internazionala: BLONDI

Blondi eta Mirko lagun minak dira. Elkarrekin bizitzea gustatzen zaie, musika bera entzuten dute, film berak kusi, marihuana erretzea gustatzen zaie, errezitaldietara joatea, lagun berberak dituzte, dena da perfektua beren artean, baina ia adin berekoak diruditen arren, Blondi Mirkoren ama da.

MENDIAN HIL, HIRIAN HIL

Bizitzaren eta heriotzaren arteko hari finetik egiten du bidea eta ikusleari oroitzapenaren eta itxaropenaren aldeko mezua helarazten dio.
“Hildakoen senitartekoen testigantzak, gertatutakoaren onarpena, bizitza oroitzapen lasaiarekin berreskuratzeko itxaropena, atsegina…” da Iñaki Peñaren helburua. “Esan nahi izan dut hildako pertsona mingarri baten ondoren beti izan daitekeela sufrimendurik gabe hildakoa gogoratzeko itxaropena. Eta horretarako, mendian hil diren hainbat pertsonaren historia kontatu dut”. Horien artean, Beñat Arrue, 22 urtekoa, Pumorin hil zen 2001ean.
Dokumentala emozioetatik igarotzen da, morbotik ihesi. “Dagoeneko gure artean ez dauden pertsona horien senideak kameraren aurrean biluzten dira, eta maite zuten pertsonaren desagerpena nola bizi izan duten eta nola berregin dituzten kontatzen digute” dio Iñaki Peñak.

MI CAMINO INTERIOR

Pierre idazle ospetsua da, muturreko esperientziak eta bakarrik bidaiatzea ditu gustuko. Dena bere erara egin du beti, komeni zitzaionean eta nahi zuenarekin, baina murrizketek bere askatasuna mehatxatzen zuten bakoitzean, hobekien egiten dakiena egiten zuen: ihes egitea. Mozkortuta zegoen arratsalde batean, eraikin baten fatxadan gora igo eta zenbait solairutatik behera eroriko da. Istripuak koma sakonean utziko du. Bertatik irteten denean, Pierre ia ezin da zutik egon. Eta guztien aholkuen kontra, Frantzian bakarrik ibiltzea erabakiko du, Proventzatik Mont Saint Micheleraino, Frantziako eskualde latz, anker eta ederrenetako ahaztutako bidezidorretan zehar. Benetako gertaeretan oinarritua.

HOTEL ROYAL

Hanna eta Liv, bi lagun estatubatuar, motxilero gisa ari dira bidaiatzen Australian. Dirurik gabe geratu ondoren, Livek, abentura baten bila, The Royal Hotel izeneko pub batean (outbackeko meatze-herri urrun batean) aldi baterako zerbitzari-lan bat onartzeko konbentzituko du Hanna. Tabernako jabe Billyk eta hango pertsona talde batek Australiako alkoholaren kulturari buruzko sarrera zoro bat eskainiko diete, baina egoera kezkagarri batean harrapatuko dituzte laster Hanna eta Liv eta berehala galduko dute kontrola.

LOS PEQUEÑOS AMORES

Teresak oporretako planak aldatuko ditu istripu txiki bat izan duen amari laguntzeko. Ama-alabek uda itogarria igaroko dute elkarrekin, eta ez dira ados jarriko, ezta gauzarik hutsalenetan ere. Hala ere, derrigorrezko elkarbizitzak uste baino gauza gehiago mugituko du, eta udako gauetan Teresak une adierazgarriak biziko ditu bere amaren ondoan.

TÓTEM

Sol, zazpi urteko neskato bat, aitarentzat prestaren ari diren ezusteko festa batean laguntzen ari da aitonaren etxean. Egunak aurrera egin ahala, giro arraro eta kaotikoa nagusituko da apurka-apurka, eta familia lotuta mantentzen zuten zimenduak hautsiz joango dira. Solek ulertuko du bere mundua aldaketa handi bat izatear dagoela, bizitza ospatzeko misterioari bidea irekiko dion aldaketa handi bat.

Esta web utiliza cookies propias y de terceros para su correcto funcionamiento y para fines analíticos. Contiene enlaces a sitios web de terceros con políticas de privacidad ajenas que podrás aceptar o no cuando accedas a ellos. Al hacer clic en el botón Aceptar, acepta el uso de estas tecnologías y el procesamiento de tus datos para estos propósitos. Ikusi
Privacidad