SOLO QUEDA LA DANZA

Irma eta Olga dantzari gazteak 1970eko hamarkadan Amsterdamgo baletaren mundu zorrotzean tinko mantentzen saiatzen diren bitartean, Royal Balleteko izar handi gisa agertuko da Olga. Laster deskubrituko du bere talentuaren alde iluna eta Irmak ikusi beharko du nola bere lagunik onena jokatzearen presioari men egiten dion eta gaueko bizitzan galtzen den.

TERESA

Teresak pazientzia handiz itxaroten du Inkisidorearen etorrera epaitua izateko. Bere bisitaren eta hitzen araberakoa izango da bere etorkizuna: askatasuna, kartzela edo sua. Juan Mayorgaren "La lengua en pedazos" antzezlanaren egokitzapena da filma, eta Santa Teresa Jesusenaren bizitzan dago oinarritua. Santa Teresa Jesusena Santa Teresa Avilakoa izenaz ere ezaguna da.

NAFAR-HAZIAK

Ortzadar Euskal Folklore Elkarteak Argentinara bidaiatzen du Nafarroako kultura zabaltzeko. Buenos Aires, Rosario, Bolivar eta Mendozan dauden lau zentroetara egindako bisitan dantza, musika eta gastronomia tailerrak ematen dituzte, baita hitzaldiak eta dantza emanaldiak ere. Bidaia honek argentinarren eta nafarren arteko loturak sendotzen ditu, esperientziak partekatzen dituzte, ikasten dute eta batez ere dantzatzen dira. Distantzia bada ere, Argentina eta Nafarroaren arteko atxikimendu emozionala bistakoa da. Izan ere, posible al da urruneko kultura bat besarkatzea eta zure egitea? Dokumental honek galdera honi erantzuten dio.

AMA-DAS

Idoia, Pili, Rosa eta Emma ezgaitasunen batekin bizi dira. Ahalduntze-tailer batera joango dira, eta bertan autoestimua eta bizitzari aurre egiteko tresnak landuko dituzte. Haien beldur, zalantza eta kezken atzean, ohartzen gara badela batzen dituen zerbait sakonagoa: indarkeria. Eta galdera bat beti euren buruan... maitatuak sentituko al dira inoiz?

UN AMOR

Hiriko bizimodu itogarritik ihes eginda, hogeita hamar urteko Nat-ek Espainiako landa-eremu bete-betean aurkituko du babesa, La Escapa izeneko herri txikian. Erortzear dagoen landetxe batean, zakur basati zakar batek lagunduta, bere bizitza berreraikitzen saiatuko da neska gazte hau. Bere etxejabearen etsaitasunari eta herriko biztanleen mesfidantzari aurre egin ondoren, Andreas bizilagunaren proposamen sexual kezkagarri bat onartuko du, halakorik egingo zuela pentsatuko ez bazuen ere. Topaketa arraro eta ilun horretatik pasio obsesibo aseezin bat sortuko da. Nat erabat suntsituko du eta zer motatako emakumea den zalantza egitera bultzatuko du.

O CORNO

Illa de Arousa, 1971. María itsaskitan bizimodua ateratzen duen emakumea da. Beste emakume batzuei bere erditzeetan arreta eta ardura bereziz laguntzeagatik ere ezaguna da uhartean. Ustekabeko gertaera baten ondoren, ihes egin behar izan du eta bere biziraupenaren alde borrokaraziko duen zeharkaldi arriskutsu bat hasiko du. Bere askatasunaren bila, Maríak Galizia eta Portugal arteko kontrabandoko bideetako batetik muga zeharkatzea erabakitzen du.

EL LEGADO

Joseph Sheridan Le Fanu-ren "El tío Silas" misteriozko eleberri klasikoan oinarritua dago. Irlanda basatiko lursail zabal eta urrun baten sakonean bizi da Maud neska gaztea. Aitaren bat-bateko heriotzak bere ondasun guztien oinordeko bilakatu du. Osaba Silas, hilketaren susmagarria, Mauden fideikomiso izango da neskak 21 urte bete arte. Otsoak inguratzen hasi dira... eta Silas harrapari talde baten titiriteroa da. Denak beren haragi zatia lortzeko prest daude.

GRAN HOTEL NAZARENO (Txuspo Poyo)

Balea baten hezurdura —Nazareno ikastetxeko kabineteko pieza esanguratsuenetako bat— daraman furgoi bat martxan jartzen da, ikastetxeko eraikina luxuzko hotel bat egiteko saldua izan ondoren. Furgoia Erromako leku enblematikoetatik igarotzen da eta horiek ere, ikastetxea bezala, lekualdatu eta esanahiz hustu dira, hiriko turismoak berak sortutako historia garbitzeko eragiketa espekulatibo batean.

Artebidek antolatutako ARTEAZOKA XXII erakusketaren baitan proiektatuko da dokumentala. Urriaren 27ko emanaldian, Txuspo Poyok, dokumentalaren zuzendariak, bere lana aurkeztuko digu.

URAK ASKE

Filmoteka Nafarroan programaren barruan proiektatuko da eta egileak bertan izango dira lana aurkezteko.

Urtegi batetik bi milioi metro kubiko ur hustea, desagertzeko zorian dagoen animalia txiki bat babesteko. Hori izan da Enobietako urtegia kentzeko lan egin dutenen ahalegina. Eta ametsa beteta, muturluze piriniotarrari babesleku seguru bat eman diote. Artikutzan gertatu da istorio harrigarri hori, duela mende bat Donostiak Nafarroan erositako finkan. Gaur egun, Kantauri kostaldeko baso natural onenetako bat han dago.
Normandian, aldi berean, Vezins-eko presa handia kendu dute. Hura kentzeko arrazoia izokinari Sélune ibaia zabaltzea izan da. Ibaietan utzitako hormatzarrek biodibertsitateari hesia jartzen diote eta haien eraisketek etorkizunean planeta bizigarriago bat imajinatzeko aukera ematen dute. Vezinsekoa eta Enobietakoa bezalako keinu txikien —edo handien— araberakoa izango da etorkizun hori.

 

 

Esta web utiliza cookies propias y de terceros para su correcto funcionamiento y para fines analíticos. Contiene enlaces a sitios web de terceros con políticas de privacidad ajenas que podrás aceptar o no cuando accedas a ellos. Al hacer clic en el botón Aceptar, acepta el uso de estas tecnologías y el procesamiento de tus datos para estos propósitos. Ikusi
Privacidad