ALTSASUK "Sendaberri, Paisaia eszeniko berriak" PROGRAMAN PARTE HARTUKO DU
ALTSASUK "Sendaberri, Paisaia eszeniko berriak" PROGRAMAN PARTE HARTUKO DU
Pasa den astean,Nafarroako Antzoki Sareak "Sendaberri, Paisaia eszeniko berriak" aurkeztu du, Nafarroako Gobernuko Kultura eta Kirol Departamentuarekin lankidetzan diseinatutako erakundearen programa propioa.
Altsasuk aipatu programan parte hartuko du eta horri esker, bi ikuskizun ikusi ahalko ditugu. Apirilaren 22an LUCIO, UNA REFLEXIÓN ESCÉNICA (sarrerak dagoeneko salgai) eta azaroaren 11an HOY PUEDE SER MI GRAN NOCHE .
.
LUCIO, UNA REFLEXIÓN ESCÉNICA
Lucio Urtubia nafar anarkistaren mezuarekin konbinatzen duen muntaketa eszenikoa da ‘Lucio’. Mikel Santos ‘Belatz’ ilustratzaileak “Gerezi garaia” eleberri grafikoan sortu duen irudiari musika jarri dio The New Jazz Collective taldeak. Proposamen abangoardista da, zuzeneko musika, ikus-entzunezko lengoaia eta Lucioren beraren hitza konbinatzen dituena. Formatu berri bat, gogoeta artistikoaren itxura duena, gizon hari merezitako omenaldia egiteko, harekin bizitzeko zortea izan zutenen maitasunetik eta errespetutik egina. Gizartearen eta egungo balioen gaineko hausnarketa
HOY PUEDE SER MI GRAN NOCHE
Hoy puede ser mi gran noche antzerki-festa bat da, bakarrizketa komiko eta musikal bat, autofikzioko ariketa bat, 90eko hamarkadako Galizian orkestra-abeslari batek eta bere alabek izan zuten istorio liluragarria kontatzen duena, bere asmorik nagusiena aita bezalakoa izatea duena. Ikuskizun honetan, aktore bat eta bere ahizpa musikaria ahots ugaritan zabaltzen dira iraganera bidai zirraragarria egiteko, exotismoz betetako mundu batera, egunen batean izan nahi genuenaren eta garenaren amalgama bitxi hori ulertzeko.
Hau obra dibertigarria, ausarta eta sakona da, jada ez dagoenaren, izan zitekeenaren eta izan ez zenaren ospakizuna, galtzaileei egindako kantu bat, beti haien unearen zain egoten direnei egindakoa.
Istorio zirraragarria, kontakizun urratzailea, non Teatro En Vilok bere antzerki-poetikaren elokuentzia guztia, irreberentzia, samurtasuna eta umorea zabaltzen dituen berriro, ezohikoaren eta arruntaren, balentriaren eta porrotaren, izan beharraren eta benetako zorionaren artean borrokan ari den emakumearen batailara hurbiltzeko.