VERDANTZ – DANTZABIDEAK 2025

VERDANTZ – DANTZABIDEAK 2025

DANTZABIDEAK ALTSASUN. MAIATZAREN 9AN ARRATSALDEKO 18:00ETAN BURUNDA FRONTOIAN

Dantzaz konpainiak VERDANTZ pieza aurkeztuko du. Hori gutxi balitz, Altsasuko BHI, Jesusen Bihotza, eta Andra Mari eta Iñigo Aritza ikastoletako ikasleek hainbat koreografia aurkeztuko dituzte,lau ikastetxeetan Dantzaz taldeko dantzariekin egindako erresidentzien emaitza direnak.

Ekimena Oholtzara Salto programaren barruan sartzen da. Programa hori Nafarroako Antzoki Sareak sustatu du Caixaren laguntzarekin, arte eszenikoak gazteei hurbiltzeko helburuarekin.

Ikasleak bezainbeste gozatuko duzulakoan, zure zain egongo gara maiatzaren 9an, ostirala, 18:00etan, Burunda Frontoian.

VERDANTZ

Dantzaz-ek ongi etorria eman zion Sarada Sarita koreografo holandar-txiletarrari 2023ko urrian.

Bere VERDANTZ lana koreografia bat baino gehiago da; naturan eta “antipodetako” kontzeptu nahasgarrian murgiltzen den bidaia sentsoriala da, Lurreko puntu kontrajarri horiek harmonian baitaude bere dantza paregabean.

Saradak puntu kontrajarri horiek inprobisaziora gonbidatzen duten mugimendu eta konposizioekin lotzen ditu, adierazpena askea den eta geometria eta dinamikako elementuekin bat egiten duen espazio bat sortuz.

VERDANTZ ez da soilik dantza bat; esperientzia bat da, non hainbat dinamika, indar eta kontraste elkartzen diren Saradaren ikuspegi artistikoa transmititzeko eta denek sakon senti dezaketen historia unibertsal bat kontatzeko.

Kultura indigeneekin eta naturarekin duten loturan inspiratuta, VERDANTZ Oreka TXrekiko lankidetzaz elikatzen da bereziki, naturatik bertatik ateratako elementuetatik abiatuta soinu-banda paregabea sortu baitute. Mugimenduaren eta soinuaren arteko ezkontza liluragarri honek erresuma batera eramango zaitu, non dantza mundu naturalarekin elkarrizketa bat den, non urrats bakoitza Lurraren esentziarekin berarekin lotura bat den

Esta web utiliza cookies propias y de terceros para su correcto funcionamiento y para fines analíticos. Contiene enlaces a sitios web de terceros con políticas de privacidad ajenas que podrás aceptar o no cuando accedas a ellos. Al hacer clic en el botón Aceptar, acepta el uso de estas tecnologías y el procesamiento de tus datos para estos propósitos. Ikusi
Privacidad