HITZALDIA
PAULA KASARES – Hitzaldia
“EUSKARAZ BADAKITE BAINA NOLA MOTIBATU EUSKARAZ EGIN DEZATEN?”
Nola motibatu semea/alaba euskaraz egin dezan? Nola eman euskarari toki handiagoa etxean bikotekideak ez badaki? Guk etxean euskaraz egiten dugu baina, garrantzitsua al da haurrak bere bizitzaren esparru guztietan euskara hurbil izatea? Ez gara oso inguru euskaldunean bizi, nola indartu euskararen erabilera eta nola osatu eskolak egiten duen lana?
Agian kezka horiek eta antzekoak dituzu buruan eta ikastolak hitzaldi bat antolatu du haurrak euskaldun hazi nahi dituzuen familiondako, euskaraz dakizunontzat eta ez dakitenentzat, familia orok duen egiteko garrantzitsuaz aritzeko.
Hizlaria Paula Kasares soziolinguista eta Nafarroako Unibertsitate Publikoko irakaslea izango da eta hitzaldia, saio magistrala baino gehiago, hizketaldi irekia, zuen galderei eta kezkei erantzuna emateko pentsatua izango da.
